Hvernig spil er þetta? Kynstrin Öll er bráðfyndið partýspil sem vekur eldfjörugar umræður meðal leikmanna um allt milli himins og jarðar í sambandi við samskipti kynjanna og kynferðismál. Forvitnilegur fróðleikur um málefni sem allir ættu að þekkja kryddar spilið. Spilið er fyrsta spilið sinnar tegundar hér á landi.

Fyrir hverja er spilið? Kynstrin Öll er tímalaust partýspil fyrir vina-og kunningjahópinn og kynhneigðir af öllu tagi. Markmið leiksins er að vera fyrst(ur) til að safna öllum hamingjuvörðum sem tryggja kynferðislega velferð og vellíðan.

Eru “verklegar æfingar” í spilinu fyrir leikmenn? Nei, Kynstrin Öll inniheldur ekki slíkar æfingar. Spilið er hreint ekki vandræðalegt þar sem það byggist ekki á því að fólk segi frá eigin kynlífsreynslu heldur ræði um almennt um kynferðismál.

Segja má að Kynstrin Öll sé fjölfræðilegur upplýsingabanki sem vekur upp skemmtilegar og forvitnilegar umræður jafnt sem rökræður. Spilið er ætlað vina-og kunningjahópum sem vilja spila öðruvísi spil um sívinsælt málefni. Vinsælasti spilamátinn er að skipa í tvö lið eða fleiri sem keppa um að vera fyrsta liðið til að ná öllum hamingjuvörðunum.

Hver er höfundur spilins? Jóna Ingibjörg Jónsdóttir hjúkrunar-og kynfræðingur er hugmyndasmiður spilsins. Hún hefur frætt Íslendinga um kynferðismál í mörg ár og rekur Kynstur ráðgjafastofu, sjá www.kynstur.is

Hvert er innihald öskjunnar? Í öskjunni eru fimm veglegir spilastokkar með 750 spurningum og yfir 2000 valmöguleikum í þekkingarspurningunum. Fyrir utan leikreglur og bækling um hugmyndafræðina að baki Kynstrin Öll inniheldur spilið litríkar hamingjuvörður, tening, skriffæri og skrifblokkir.

Í spilastokknum Menning eru spurningar, m.a. úr dægurmenningu samtímans, listum, sögu og bókmenntum.

Í spilastokknum Sambönd eru spurningar, m.a. um aðlöðun, ástir, kynhneigðir, kynlíf og náin sambönd.

Í spilastokknum Kynhegðun eru spurningar um kynhegðun og kynhneigðir af öllu tagi.

Í spilastokknum Líkaminn eru spurningar sem tengjast líkamanum, s.s. um útlit og fegurð, getnaðarvarnir, kynsjúkdóma og kynþroskann.

Í fimmta og síðasta spilastokknum Taka sjensinn eru viðhorfaspurningar um allt milli himins og jarðar um kynferðismál og samskipti kynjanna.